Монгол Улсын барилгын материалын салбарт байгальд ээлтэй, эрүүл мэндэд аюулгүй үйлдвэрлэлийн шинэ стандартыг нэвтрүүлсэн “ALPHA” эко гипсэн хавтангийн үйлдвэр 2026 оны тавдугаар сарын 24-ний өдөр албан ёсоор нээлтээ хийлээ. Нээлтийн үйл ажиллагаанд Монгол Улсын Ерөнхийлөгч У.Хүрэлсүх, Хот байгуулалт, барилга, орон сууцжуулалтын сайд Э.Бат-Амгалан нар оролцож үг хэллээ.

Нью Прогресс Группийн охин компани болох “Эко Драйволл” ХХК-ийн хэрэгжүүлсэн тус үйлдвэр нь Монгол Улсад анх удаа байгалийн цэвэр гөлтгөнөөр эко гипсэн хавтан үйлдвэрлэж байгаа үндэсний хэмжээний анхны үйлдвэр болж байна.

“ALPHA” бол байгалийн гөлтгөнөөр эх орондоо үйлдвэрлэсэн Монголын анхны эко гипсэн хавтан юм.

Тус үйлдвэр нь дэвшилтэт технологийг Монголд нутагшуулж, импортын бүрэн хараат байсан бүтээгдэхүүнийг эх орондоо үйлдвэрлэж эхэлснээрээ барилгын материалын салбарын түүхэнд шинэ хуудас нээж байна. Үйлдвэр жилд 10 сая м² буюу 3.5 сая ширхэг гипсэн хавтан үйлдвэрлэх хүчин чадалтай бөгөөд Монгол Улсын зах зээлийн хэрэгцээг бүрэн дотоодоос хангах боломжтой стратегийн үйлдвэр юм. Төсөл 2024 онд эхэлж, 2025 оны аравдугаар сарын 1-нд туршилтын үйлдвэрлэлээ эхлүүлэн, аравдугаар сарын 29-нд анхны борлуулалтаа хийсэн бол өнөөдөр бүрэн хүчин чадлаар ашиглалтад орж байна.

Импортыг орлох үндэсний үйлдвэрлэлийн шинэ үе Өнөөдрийн байдлаар Монгол Улс гипсэн хавтангийн хэрэгцээгээ 100 хувь импортоор хангаж ирсэн нь валютын урсгал гадагшлах, нийлүүлэлтийн хараат байдал үүсэх гол шалтгаан болж байсан.

“ALPHA” эко гипсэн хавтангийн үйлдвэр ашиглалтад орсноор:

• Импортын хамаарлыг бууруулна
• Валютын урсгалыг эх орондоо үлдээнэ
• Үндэсний үйлдвэрлэлийг дэмжинэ
• 100 гаруй шинэ ажлын байр бий болгоно
• Барилгын салбарын нийлүүлэлтийн тогтвортой байдлыг хангана
• Дотоодын үйлдвэрлэгчдийн өрсөлдөх чадварыг нэмэгдүүлнэ

Энэхүү төсөл нь Монгол Улсын урт хугацааны хөгжлийн бодлого болох “Алсын хараа– 2050”-ын барилгын материалын дотоодын үйлдвэрлэлийг нэмэгдүүлэх зорилтыг бодитоор хэрэгжүүлж буй томоохон жишээ болж байна. Байгалийн гөлтгөнөөр үйлдвэрлэсэн Монголын анхны эко гипсэн хавтан “ALPHA” үйлдвэрийн хамгийн том онцлог нь өөрийн уурхайн байгалийн цэвэр гөлтгөнө ашиглаж буй явдал юм.

Дэлхийн олон улсад өргөн хэрэглэгддэг импортын гипсэн хавтангийн түүхий эд болох синтетик гипс нь нүүрсний цахилгаан станцын утаа цэвэрлэх процессоос гардаг бол “ALPHA” үйлдвэр нь олон сая жилийн геологийн тогтоц бүхий байгалийн эрдсийг ашиглаж, хүний биед аюулгүй, байгальд ээлтэй бүтээгдэхүүн үйлдвэрлэж байна.

Байгалийн гипсний давуу тал:

• Өндөр цэвэршилттэй
• Хүнд металлын агууламж багатай
• Эрүүл мэндэд аюулгүй
• Экологийн шаардлага хангасан
• Дотоод орчны чанарт эерэг нөлөөтэй

“ALPHA” бол зөвхөн импорт орлох бүтээгдэхүүн биш — Монголын байгалийн баялгийг нэмүү өртөг шингээн, дэлхийн стандартаар үйлдвэрлэж буй үндэсний шинэ брэнд юм.

Ногоон үйлдвэрлэлийн шинэ стандарт Нью Прогресс Групп нь үйлдвэр–уурхайн цогц бодлогын хүрээнд байгаль орчинд үзүүлэх нөлөөллийг бууруулахад онцгой анхаарч ажиллаж байна. Үүнд:

• Техникийн нөхөн сэргээлтийг тогтмол хийх
• 2026 оноос биологийн нөхөн сэргээлт эхлүүлэх
• Тоосжилт, дуу чимээг бууруулах технологи нэвтрүүлэх
• Үйлдвэрлэлийн хаягдлыг дахин боловсруулах
• Сэргээгдэх эрчим хүчний шийдэл хэрэгжүүлэх
• Нарны эрчим хүч ашиглан эрчим хүчний хэмнэлт бий болгох зэрэг ажлуудыг үе шаттай хэрэгжүүлж байна.

“Байгалийн гөлтгөнөөс эхэлсэн үйлдвэрлэл — ногоон хөгжлийн шинэ стандартыг тодорхойлж байна.”

Орон нутаг ба ажлын байрын хувьд үйлдвэр нь Төв аймгийн Сэргэлэн суманд байрлах бөгөөд бүрэн хүчин чадлаар ажиллах үед:

• Шууд 100 ажлын байр
• Шууд бусаар 300 гаруй иргэний орлогыг дэмжих боломж бүрдүүлж байна.

Мөн үйлдвэрийн инженер, операторуудыг бэлтгэх сургалтын тогтолцоог бүрдүүлж, гадаад, дотоодын инженерүүдтэй хамтран шинэ үеийн мэргэжилтнүүдийг бэлтгэн ажиллаж байна.

Дотоодын барилгын салбарын шинэ түнш “ALPHA” эко гипсэн хавтан нь:

• Энгийн
• Галд тэсвэртэй
• Ус, чийгэнд тэсвэртэй төрлүүдээр үйлдвэрлэгдэж байгаа бөгөөд дотоодын барилгын томоохон компаниудтай хамтын ажиллагаагаа эхлүүлээд байна.

Цаашид бүтээгдэхүүний нэр төрөл, чанарыг нэмэгдүүлж, экспортын чиглэлд хөгжүүлэх зорилготой ажиллаж байна.