Дорнод бүсийг тэргүүлж буй Филаделпиа 76 баг талбай дээрээ Уашингтон Уизардсыг хүлээн авч тоглолоо. Тоглолтод 141:136-ын харьцаатайгаар талбайн эзэд хожил байгуулсан бөгөөд багийн төвийн тоглогч Жоэл Эмбийд 38 оноо 8 самбар, хамгаалагч Сэт Көрри 28 оноо 6 холын шидэлт амжилттай болгосон байна. Мөн багийн хүчний довтлогч Тобайс Харрис замналынхаа 10'000 дахь оноогоо авсан байна.

Харин Уашингтон Уизардс багийн хамгаалагч Брэдли Бийл 60 оноо авч замналынхаа оргил амжилтыг эвдсэн хэдий ч баг нь хожигдол хүлээлээ. Рассел Уэстбрүүк 20 оноо, 12 дамжуулалт өгсөн байна. 

Дэвсгэр мэдээлэл:

Брэдли Бийлийн өмнө эзэмшдэг байсан замналын дээд оноо нь 55 оноо байсан ба энэхүү оноогоо 2020 оны хоёрдугаар сарын 24-нд Милуаки Баксын эсрэг авч байжээ.