2025 оны хөнгөлөлт, буцаан олголтыг дөрөвдүгээр сарын 20-ны өдрөөс иргэдийн дансанд шилжүүлж эхэлжээ. Татварын байгууллагаас Төрийн сангаар дамжуулан Хувь хүний орлогын албан татварын тухай хуулийн 23 дугаар зүйлийн 23.3, 23.4, 23.5 дахь хэсэгт заасан орон сууц хуралдаж авсан, сургалтын төлбөрийн хөнгөлөлт зэргийн буцаан олголтыг хийдэг.

Энэ жил нийт 28879 татвар төлөгчид 57.1 тэрбум төгрөгийг хөнгөлөлт, буцаан олголт байдлаар олгох ажээ. Үүнээс анх удаа байр авсан 7527 иргэнд 28.4 тэрбум төгрөг, давтан байр авсан 10742 иргэнд 18.5 тэрбум төгрөг, сургалтын төлбөр 11397 иргэнд 10.1 тэрбум төгрөг, бусад 12 иргэнд 29.8 сая төгрөгийг тус тус олгох юм.