NBA лигийн “хориотой эм бэлдмэл"-ийн дүрмийг зөрчиж, 25 тоглолтоор торгуулаад байсан Пол Жорж өнөөдөр талбайд гарч тоглолоо. Сиксерс өнөөдөр талбайдаа Булссыг хүлээн авч 157:137 харьцаатайгаар ялалт байгуулав. Энэ тоглолтод Пол Жорж 28 оноо, 6-н самбар, 4-н ашигтай дамжуулалт, 4-н бөмбөг таслалтыг гүйцэтгэв. Мөн алсын зайны зургаан шидэлийг амжилттай болгов. Түүний хувьд өнгөрөгч 1 дүгээр сарын 29-нд Кингсийн эсрэг тоглосноос хойш талбайд гараагүй байсан юм.

Сиксерс өнөөдөр ялалт байгуулсанаар 40 хожил, 33 хожигдолтойгоор бүсийнхээ долоодугаар байранд бичигдэж байна.