Улсын хэмжээнд ядуурлын түвшин дорвитой буурахгүй, ялангуяа хөдөө орон нутагт хамрах хүрээ их хэвээр байгаа тул “Өрхийн хөдөлмөр эрхлэлтийг дэмжиж ядуурлаас гаргах үндэсний санаачилга”-ыг өрнүүлэх шийдвэрийг Засгийн газраас гаргалаа. Үндэсний санаачилгын хүрээнд ядуурлын түвшингээс доогуур орлоготой өрх иргэний амжиргааны нөхцөл байдал, боломжид тохирсон ажилгүйдлийг бууруулж, амьжиргааг дэмжихэд чиглэсэн цогц арга хэмжээ хэрэгжүүлэхээр боллоо. Тус цогц арга хэмжээнд 5000 өрхийг хамруулахаар төлөвлөсөн байна.