Боловсролын зээлийн сангийн Ажлын албаны даргаар ажиллаж байсан О.Сийлэгмааг "Ёс зүйн зөрчил гаргасан" гэж үзэн, үүрэгт ажлаас нь чөлөөлжээ. Харин тэрбээр ирэх лхагва гарагт мэдээлэл хийж, өөрийг нь ажлаас халсан шийдвэрийн эсрэг шүүхэд хандана гэжээ. Түүнийг 2024 оны наймдугаар сард дээрх албан тушаалд эргүүлэн томилж байсан юм.
О.Сийлэгмаа нь Боловсролын сайд П.Наранбаярыг "БЗС-гийн тэтгэлгээр суралцагчдын тоог 13-аар хэтрүүлсэн нь зээлийн сангийн журам зөрчсөн" гэж үзэн албан бичиг хүргүүлсэн байна. Тодруулбал, Польш, Куба, Франц, Их британид суралцаж буй 41 сурагч эрэлттэй болон тэргүүлэх бус чиглэлээр суралцалж буй нь зээлийн сангийн журмыг зөрчиж байна гэж үзсэн байна.
