УИХ-ын даргад МАН-ын дарга Н.Учралыг нэр дэвшүүлж буй энэ үед УИХ дахь Ардчилсан намын бүлгээс "УИХ-ын дарга нь намаас түдгэлздэг байх" хуулийг санаачилсан талаараа мэдэгдсэн.
Энэ талаар УИХ-ын дарга асан З.Энхболд цахим хуудаснаа "Үндсэн хуулийн 24.1-д зааснаар УИХ даргыг гишүүдийн дотроос сонгодог. 126 гишүүн бүгдээрээ УИХ дарга болох боломжтой, намууд хамаагүй. Ялсан нам Ерөнхий сайдад л нэр дэвшүүлэх эрхтэй. МАН болон бусад намууд УИХ даргад нэр дэвшүүлэх эрхгүй" гэжээ.
