Засгийн газраас мэдээлэл хийж байна. Тусгаарлах байр болон тусгай үүргийн нислэгийн талаар УОК-ийн дарга Я.Содбаатар:

"Өнгөрсөн зуны улиралд 100 гаруй тусгаарлах байр ажилладаг байсан ба өвлийн улиралд хотоос зайдуу байрладаг тусгаарлах байрууд ажиллах боломжгүйд хүрээд байна. Үүнээс үүдэн тусгаарлах байрны хүрэлцээ багасаж буй асуудал гарч байна. Хөл хорионы дэглэмийг сулруулснаас хойш дөрвөн удаагийн тусгай үүргийн нислэгээр 500 орчим хүнийг татан авсан. Энэ сарын 25-нд Сөүлээс 250 хүн ирэх байсан нислэгийг цуцлаж байна. Дотоодын нөхцөл байдал гайгүй болохоор гаднаас иргэдээ татан авна" гэж мэдэгдлээ.