Өнгөрсөн наймдугаар сарын 31-нд Ардчилсан нам дотоод хурлаа хийж, намын даргаараа УИХ-ын гишүүн, АН-ын бүлгийн дарга О.Цогтгэрэлийг сонгосон билээ. Улмаар түүнийг дээд шүүхэд бүртгүүлэх хүсэлтээ хүргүүлээд байсан юм.
Уг хүсэлтийг өнөөдөр Улсын дээд шүүхэд Нийт шүүгчийн хуралдаанаар хэлэлцэж, О.Цогтгэрэлийг АН-ын шинэ даргаар бүртгэсэн байна.
Тодруулбал, Улсын дээд шүүхээс "Монгол Улсын дээд шүүхийн нийт шүүгчийн хуралдаан 2025 оны 09 дүгээр сарын 18-ны өдөр боллоо. Нийт шүүгчийн хуралдаанаар Ардчилсан намын даргын өөрчлөлтийг бүртгүүлэх тухай өргөдлийг хэлэлцэж, хуулийн шаардлага хангасан тул бүртгэхээр шийдвэрлэв" гэсэн юм.
