БНСУ-ын нэр хүндтэй жүжигчин Song Young Kyu согтуугаар тээврийн хэрэгсэл жолоодож яваад баригджээ. Тодруулбал, уг асуудал өнгөрсөн долоодугаар сард гарсан бөгөөд хэрэг прокурорын шатанд шалгагдаж байжээ.

Үүнээс болж БНСУ-ын телевизүүдээр яг одоо гарч буй "The Defects" болон "The Winning Try" цувралд жүжигчний тоглосон хэсгийг хасахаар болжээ. Хэрвээ киноны хэсгээс хасалт хийгдвэл түүнд маш их торгууль ногдох байсан аж. Өмнөд Солонгост нэр хүндтэй жүжигчин, дуучинд их хэмжээний төлбөр төлж кино, жүжиг, клип, зар сурталчилгаанд тоглуулдаг бөгөөд харин ёс зүй болон хуулийн зөрчил гаргавал энэхүү төлбөрийг 10-200 дахин өсгөн нэхэмжилдэг байна.

Гэтэл тэрээр прокурорт шалгагдаж байхдаа амиа хорлосон байж болзошгүй гэх мэдээлэл байна.