"Зуны зугаа" тоглолтын үеэр бусдын биед халдсан, танхайрсан гэх 35 дуудлага мэдээлэл бүртгэгджээ

Өчигдөр “Зуны зугаа” тоглолт төв цэнгэлдэх хүрээлэнд болсон. Энэ үеэр үеэр өсвөр насны хүүхдүүд гуяандаа хутгалуулж олон тооны шарх авсан талаарх мэдээлэл цахим орчинд цацагдсан.

Энэ асуудлын талаарх мэдээлэл урьд шөнө 03.30 цагийн орчимд цагдаагийн байгууллагад бүртгэгджээ. Хохирогчийг тоглолт үзэж байхад нь гуя хэсэгт зүсэж гэмтээсэн байна. Шалгалтын ажиллагаа үргэлжилж байгаа аж.

Тэгвэл “Зуны зугаа тоглолт”-ын үеэр бусдыг хутгалж гэмтээсэн байж болзошгүй залуусын 1-ийг нь барьж, мэдүүлэг авчээ. Уг асуудалд холбогдуулан 20 орчим хүнийг шалгаж байгаа бөгөөд хутгалуулсан 3 хохирогч байгаа аж.