Монголын хөлбөмбөгийн холбооны ерөнхий нарийн бичгийн даргын албан тушаалд нээлттэй сонгон шалгаруулалт зарлажээ. Сонгон шалгаруулалт өчигдрөөс эхэлсэн бөгөөд тавдугаар сарын 31-ны өдрийг хүртэл үргэлжлэх юм байна. Энэ нь албан тушаалд танил талаар томилогддог байдлыг эцэс болгож, фракцын хуваагдлыг арилгах, Монголын хөлбөмбөгийн холбооны үйл ажиллагааг цаашид нээлттэй ил тод шилэн болгох зорилготой болохыг дурджээ.
Сонгон шалгаруулалтад тус холбооны Ерөнхийлөгчийн ээлжит бус сонгуульд өрсөлдөж, хүчин зүтгэж буй Ө.Алтай, Н.Болор-Эрдэнэ, Б.Гарьдмагнай, С.Жаргал нарт тусгайлан урилга илгээсэн байна.
