“Цахим ажил” хаягнаас “Хөдөө орон нутгаас хотод ирээд гацагсад холбоо барина уу” гэсэн зар байршуулан залилан хийж байсан этгээдүүдийг илрүүлжээ. Уг этгээдүүд 35 настай Б, 33 настай У нарын үйлдлийг өчигдөр илрүүлсэн байна

Тэд уг гэмт хэргийг үйлдэхдээ нас барсны гэрчилгээ, буяны компанийн нэр барьж, хуурамч бичиг баримт үйлдэн иргэн тус бүрээс 259 мянган төгрөг авдаг байжээ. Одоогийн байдлаар энэ төрлийн 10 гаруй гэмт хэрэг үйлдсэн нь тогтоогджээ.

Сэжигтэн Б, У нарт Монгол Улсын Эрүүгийн хуулийн тусгай ангийн 17.1 буюу Залилах, 23.2 Хуурамч бичиг баримт үйлдэх ашиглах гэсэн заалтаар эрүүгийн хариуцлага хүлээлгэх юм. Мөн Б нь Сүхбаатар дүүргийн цагдаагийн хэлтэст залилах гэмт хэргээр яллагдагчаар татагдан шалгагдаж байх хугацаандаа ийнхүү дахин гэмт хэрэг үйлдсэн аж.