Нийтийн тээврийн үйлчилгээний карт ашигладаггүй, бэлэн мөнгө өгдөг зорчигч, авдаг жолооч нарыг илрүүлэхийн тулд технологийн шинэчлэл хийж буй. Камержуулалт болон карт унших, бэлэн мөнгө хийх хайрцаг зэргийг байршуулсан. Мөн автобусанд мөнгөө төлдөггүй иргэдэд хяналт тавьж, хууль дүрэм дагаж мөрдөхийг Нийтийн тээврийн газраас хяналт шалгалт гарган ажиллаж байна.

Тодруулбал, Төрийн хяналт шалгалтын тухай хууль, Авто тээврийн тухай хууль, Нийслэлийн Иргэдийн төлөөлөгчдийн хурлын 2022 оны 82-р тогтоол, Нийслэлийн Засаг даргын 2024 оны А/1398-р захирамж, түүнтэй нийцүүлэн гаргасан дүрэм журмын хэрэгжилт, зорчигчийн хөлс төлөлт, бэлэн мөнгөний орлого төвлөрүүлэлтийг хянаж, орлого нэмэгдүүлэх, холбогдох хууль, дүрмийн талаар мэдээлэл өгөх чиглэлээр ажиллаж байгаа юм.