УИХ-ын 2025.04.03-ны өдрийн чуулганы нэгдсэн хуралдааны эхэнд АТГ-ын дарга З.Дашдавааг улируулан томилох тухай асуудлыг хэлэлцэж байна. Энэ үеэр УИХ-ын гишүүн Д.Жаргалсайхан АТГ-ын дарга З.Дашдаваагаас асуулт асууж, хариулт авлаа.
УИХ-ын гишүүн Д.Жаргалсайхан: Төрийн албанд ороод амьдрал ахуй нь сайжраад, улсад нэг ч төгрөгийн татвар төлж үзээгүй хүмүүс маш муухай харагддаг. Тэр хүмүүстээ хариуцлага тооцохгүй байж нэг аймгийн засаг дарга утасны төлбөрөөс болоод дөрвөн жилийн хорих ялаар шийтгүүлж байна. Үүнтэй холбоотойгоор ХЗДХ-ийн сайд О.Алтангэрэлийн оруулж ирж байгаа хууль бусаар хөрөнгөжсөн төрийн өндөр албан тушаалтны хөрөнгийг хураах хуулийн төслийг батлагдвал дэмжиж ажиллах уу.
АТГ-ын дарга З.Дашдаваа: Аливаа гэмт хэргийг их бага үйлдэл гэж ялгаж болохгүй. О.Алтангэрэл сайдын санаачилж байгаа хуулийн төсөлд манайх тодорхой саналуудаа өгчихсөн байгаа. Хуулийг УИХ баталсан тохиолдолд бид хэрэгжүүлээд ажиллах л үүрэгтэй. Тодорхой асуудлуудыг энд ярих боломжгүй байна.
Сэтгэгдэл (2)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!