УИХ-ын 2025.04.03-ны өдрийн чуулганы нэгдсэн хуралдааны эхэнд АТГ-ын дарга З.Дашдавааг улируулан томилох тухай асуудлыг хэлэлцэж байна.
Энэ үеэр УИХ-ын гишүүн Ө.Шижир: Сонгуулийн жилд тухайн сард гарсан бэлэн мөнгөний гаралт өмнөх жилийн тухайн сартай харьцуулахад хамгийн багадаа 8 дахин өссөн байгаа нь сонгууль угтсан бэлэн мөнгөтэй холбоотой. Улс төрийн намуудын санхүүжилт бол хуульчилсан авлигал хэлнэ. Нэг жишээ хэлэхэд УИХ, ЗГ-т суудалтай ХҮН нам 1 тэрбум 95 сая төгрөг сонгуулиар хандив нэрээр цуглуулж авсан байна. Үүнийхээ нэг тэрбум 45 сая төгрөгийг зөвхөн нэг компани, түүний хамаарал бүхий 37 охин компаниас авсан байна. Нийт санхүүжилтийн 98 хувийг нэг компанийн хамаарал бүхий 37 компаниас авсан байгаа нь хуульчилсан авлигал шүү. Засгийн газраас 21 хоногийн өмнө гүйцэтгэх ажиллагаа явуулдаг байгууллага, интермед эмнэлэг, Белла вистагийн СӨХ ч байна. Тиймээс АТГ улс төрийн намын санхүүжилт дэр маш сайн анхаарч ажиллаарай гэж хүсэх байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!