2024-2025 оны хичээлийн жилийн бүтцийн дагуу нийслэлийн ерөнхий боловсролын сургуулийн сурагчдын 2024-2025 оны хичээлийн жилийн II улирлын бие даалтын 7 хоног өнөөдрөөс эхэллээ. Бие даалт дөрөвдүгээр сарын 4-ний өдрийг хүртэл үргэлжилнэ. Энэ хугацаанд сурагчид “Аюулгүй амьдрах ухаан” сургалтын хөтөлбөрийн дагуу гамшиг, осол, аюулаас өөрийгөө болон өрөөлийг аврах сургалтад хамрагдах юм. Мөн сурагчид музей, урлагийн тоглолт үзэх, спортоор хичээллэх зэргээр танхимаас гадуур хөгжүүлэх хөтөлбөрүүдэд хамрагдах боломжтой. Бие даалтын дараах долоо хоногт буюу дөрөвдүгээр сарын 7-ноос сурагчид амарч, дөрөвдүгээр сарын 14-ний даваа гарагт хичээл эхэлнэ.