Хотын дарга асан, АН-ын гишүүн Э.Бат-Үүл твиттер хуудаснаа "Монгол минь урвагчдаар баян. Орост урвагчид, Хятадад худалдагсад хоёрын хэн нь ялж эх орны минь эзэн суух вэ гэдэг цаг хугацааны л асуудал болсон. Өөрсдийгөө дорд үзэж, харийнхныг шүтэж боол мэт явтугай гэсэн тангадын хараал ёсоор болжээ.

Гэхдээ, алдсан ч оносон ч эрх чөлөөтэй амьдарсан, 90 оноос хойшхи 35 жил, хойч үед маань үлгэр домог болон дуурсагдсаар байх болно.Э нэ үлгэр домогийн “хүлэг баатар”-ууд болох МоАХ-ынхаа партизануудад Анхдугаар Их Хурлын 35 жилийн ойн баярын мэнд хүргэе. Удахгүй эрх чөлөөнийхөө төлөө сүүлчийн тэмцэлдээ босон цуглацгаана аа. Эрх чөлөөний хүлэг баатрууд шиг тэмцэж явсан цагаа санаж байна шүү. Эр зориг гэж юу байдгийг талбай дүүргэн харуулна" гэжээ.