Энэ онд манай улс 83 сая тонн нүүрс экспортлохоор төлөвлөж төсвийн тэнцвэржүүлсэн орлого, тусламжийн дүн 33.5 их наяд төгрөг байхаар төсөөлж буй. Харин он гарсаар нэгдүгээр сард улсын төсвийн нэгдсэн орлого, тэнцвэржүүлсэн орлого, тусламжийн хэмжээ гүйцэтгэлээрээ буурсан байна.

Үндэсний статистикийн хорооны мэдээлснээр, 2025 оны урьдчилсан гүйцэтгэлээр улсын нэгдсэн төсвийн нийт орлого, тусламжийн хэмжээ 2025 оны нэгдүгээр сард 1.7 их наяд төгрөгт хүрч өмнөх оны мөн үеэс нэг их наяд төгрөгөөр буурчээ. Энэ нь өмнөх оны мөн үеэс 36.7 хувиар буурсан дүн. Мөн тэнцвэржүүлсэн орлого, тусламжийн хэжмээ 1.7 их наяд төгрөг болж 1.1 их наяд төгрөг буюу 38.9 хувиар буурсан дүнтэй байна.

Төсвийн орлого өмнөх оны мөн үеэс буурахад таварын орлогууд буурсан нь голлон нөлөө үзүүлжээ. Тодруулбал, орлогын алан татвар /ОАТ/ 358 тэрбум төгрөг, НӨАТ 152 тэрбум төгрөг, АМНАТ-ын орлого 590 тэрбум төгрөгөөр тус тус буурсан нь голлох нөлөө үзүүлжээ.