Улсын нэгдсэн төсвийн тэнцвэржүүлсэн тэнцэл хоёр их наяд төгрөгийн ашигтай гарчээ. Үүнд төсвийн орлого нэмэгдсэн нь нөлөөлсөн болохыг Үндэсний статистикийн хорооны мэдээллээс харж болохоор байна. Тодруулбал, энэ оны таван сарын байдлаар урьдчилсан гүйцэтгэлээр 12.7 их наяд төгрөгт хүрчээ. Энэ нь өмнөх оны мөн үеэс 42.1 хувиар өссөн буюу 3.8 их наяд төгрөгөөр нэмэгдсэн дүн аж.
