2024 онд Улаанбаатар хотод 230 гаруй удаагийн жагсаал, цуглаан болсон байна. Жагсаалын үед цагдаагийн байгууллага иргэдийн аюулгүй байдлыг хангах чиглэлд яаж ажилладаг талаар ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны дарга, Цагдаагийн хурандаа Н.Лхагвасайханаас тодруулахад, "Жагсаалын үеэр цагдаагийн байгууллага бусдын эрх, эрх чөлөөнд саад учруулахгүйгээр нийтийн хэв журмыг сахиулж, иргэдээ эрсдэлд оруулахгүй байхад онцгой анхаарч ажилладаг" гэлээ.