БНСУ-д өнөөдөр өглөө 09.05 цагт "Jeju air" компанийн онгоц осолдсон харамсалтай хэрэг гарчээ. 175 зорчигч, нислэгийн багийн 6 гишүүнтэй онгоц "Муан" олон улсын нисэх онгоцны буудалд газардах үедээ осолдсон байна. Урьдчилсан байдлаар нисэх зурвасын хана мөргөж хамгийн багадаа 28 хүн нас баржээ. Орон нутгийн аврагчид бүх хүчээ дайчилж, амь үрэгдсэн хүмүүсийг олж тогтоох, ослын үнэлгээ хийх ажлыг эхлүүлсэн байна. Шалгалтын ажиллагаа үргэлжилж байгаа талаар Yonhap агентлаг мэдээлэв.