"Петровис" ХХК-ийг үүсгэн байгуулагч, тус компанийн ТУЗ-ын дарга, Монголын бизнесийн манлай лидерүүдийн нэг, Ж.Оюунгэрэл таалал төгсжээ.
Тэрээр, ХБНГУ-д эмчилгээ хийлгэж байгаад өвчний улмаас өөд болжээ.
ОХУ-д нефтийн инженер-эдийн засагч мэргэжлээр суралцаж төгссөн ба 1979 оноос эзэмшсэн мэргэжлээрээ улсын байгууллагуудад ажиллажээ.
Улмаар 1990-1992 онд Нефть импорт хангамж нэгтгэлийн ерөнхий захирал, 1992-1996 онд "НИК" ХХК-д Ерөнхий захирлын албыг хашиж 1996 оноос хойш "Петровис" ХХК-ийн ТУЗ-ийн даргаар тус тус ажиллажээ. Мөн талийгаач технологи, боловсролын салбарт олон арван төсөл санаачилж, хөрөнгө оруулж ирснээс дурдвал Улаанбаатар дахь Бритиш сургууль, LendMN финтек апп гэх зэргийг нэрлэж болно.