Монгол Улсын Шадар сайд Т.Доржхандаар ахлуулсан Эрчим хүчний үндэсний хороо цаг үеийн асуудлаар мэдээлэл хийлээ.

Монгол Улсын Шадар сайд Т.Доржханд "Эрчим хүчний реформ байхгүй бол эдийн засаг уналтад орно. Эрчим хүчний шилжилт хийгдээгүй 34 жил явсны үр дүнд эдийн засаг хөгжөөгүй өдийг хүрсэн. Нэн тэргүүнд дотоодын эрчим хүчээ 100 хувь хангах ажлыг эхлүүлэх нь зүйтэй гэж зорьж байгаа. Сайн мэдээ дуулгахад Монгол Улс эрчим хүч экспортлох гарц нээгдэж байгаа. Саудын Араб Улс ногоон эрчим хүчний салбарт манайхтай хамтарч ажиллахаа илэрхийлсэн. Тэгэхээр гадаадын хөрөнгө оруулалт татсан том реформыг хийхээр зорьж байна. Худалдан авагч нь БНХАУ байна. Шанхайн экспогийн үеэр Хятадын ЗГ Ерөнхий сайдын түвшинд уулзаж, хил холболтуудаа хийж, эрчим хүчний салбарт хамтарч ажиллах боломжтойгоо илэрхийлсэн" гэв.