Уулын Карабахын асуудлаар Москва хотод хүрсэн хэлэлцээрээр хүлээсэн үүргүүдээ бүрэн биелүүлэхийг ОХУ-ын Батлан хамгаалахын сайд Сергей Шойгу Армени, Азербайжаны Батлан хамгаалахын сайд Давид Тоноян, Закир Гасанов нарт уриалжээ. Тэрбээр хоёр улсын батлан хамгаалахын сайдуудтай утсаар ярьжээ.
Армени, Азербайжаны эрх баригчид Оросын санаачилгаар Москва хотод зөвлөлдөх уулзалт хийсний дүнд талууд 10 дугаар сарын 10-нд хүмүүнлэгийн зорилгоор Уулын Карабахт гал зогсоох талаар тохиролцоонд хүрсэн юм.
Түүнчлэн ЕАБХАБ-ын Минскийн бүлгийг хамтран даргалагч орнуудын зуучлалтайгаар Уулын Карабах дахь нөхцөл байдлыг энхийн замаар даруй зохицуулахын тулд яриа хэлэлцээг бодитоор эхлүүлэхээр тохиролцжээ. Яриа хэлэлцээний явцын хэлбэрийг өөрчлөхгүй гэдгээ талууд мэдэгдсэн юм
