УИХ-ын гишүүн Д.Энхтүвшин 2025 оны төсвийн төсөлд оруулах зарчмын зөрүүтэй саналуудын талаар мэдээлэл хийсэн. Энэ үеэр намынхаа болон ЗГ-ын эсрэг байр суурь илэрхийлэхэд дарамт ирж буй эсэх талаар сэтгүүлчийн асуултад "МАН-ын бүлгийн анхны хуралдаанаар ЗГ-ын үйл ажиллагааны хөтөлбөрт эсрэг байр суурь илэрхийлсэний дараа тодорхой дарамтууд ирсэн. Тодруулбал "Ийм байдлаар хандаж болохгүй, чи хэн юм" гэх байдлаар хандсан.

Тухайн хүн хэн гэдгийг тодруулахад "Н.Учрал гишүүн бүлэг дээр ярьсан асуудлыг чуулган дээр ярьж орж ирсэн. Тиймээс надад зарчим бий. Би энд хулгай хийх гэж орж ирээгүй. Дахиж сонгогдохын тулд сүнсээ зарах гэж орж ирээгүй. Засгийн газар, намын эрх ашгийг хоёрдугаарт тавьж ажиллана" гэх хариултыг өгсөн юм.