"Эрдэнэт" үйлдвэрийн Ерөнхий захирал Г.Ёндонг албан тушаалаас нь чөлөөлөх тухай мэдээлэл цацагдаад буй. Энэ талаар өнөөдрийн Засгийн газрын ээлжит хуралдаанаар яригдаагүй болохыг ЗГХЭГ-ын дарга Н.Учрал хэллээ. Тэрбээр “Тийм асуудал яригдаагүй. Ер нь Төрийн өмчийн болон орон нутгийн өмчийн тухай хуулийг өргөн мэдүүлнэ. Үр дүнд нь цаашид улсын төсвийн үйлдвэрийн газар, ТӨХК, орон нутгийн өмчит компаниуд зэргийн статусыг эргэж харахгүй бол маш ойлгомжгүй байдалд шилжсэн” гэсэн юм.
Уул уурхай, хүнд үйлдвэрийн сайд асан Г.Ёндон 2022 оноос хойш “Эрдэнэт” үйлдвэрийг удирдаж байгаа юм.
