Ирэх аравдугаар сард болох НИТХ-ын сонгуульд АН ШИНЭ намтай нэгдэж оролцох санамж бичигт өнөөдөр гарын үсэг зурсан. Энэ талаар АН-ын Ерөнхий нарийн бичгийн даргын үүрэг гүйцэтгэгч Н.Ганибал дараах мэдээллийг өгөв. Тэрбээр "Монгол Улсад ардчилсан тогтолцоо үүсэж хөгжөөд 34 жил болсон. Энэ удаагийн сонгуульд Ардчислан нам аймаг, дүүрэг, сум нийт 8100 нэр дэвшигч өрсөлдөхөөр бэлэн болж, Сонгуулийн ерөнхий хороонд бүртгүүлэх ажил өрнөж байна. Энэ удаагийн сонгуульд АН ШИНЭ намтай хамтарч оролцохоор болсныг баталгаажууллаа. Ардчилсан нам орон нутаг болон өөрсдийн онцлогт тулгуурласан мөрийн хөтөлбөрөөр сонгуульд оролцож байна. Мөн УИХ-ын сонгуулийн мөрийн хөтөлбөр дээр Засгийн газарт хамтран орж байна. Энэ тухайд, Засгийн газрын үйл ажиллагааны хөтөлбөрийн 86 хувь нь Ардчилсан намын сонгуулийн мөрийн хөтөлбөр багтсан. Үүнтэй уялдуулж орон нутаг бүрт мөрийн хөтөлбөрүүдээ хэрэгжүүлэхээр танилцуулж байна. Мөн Ардчилсан нам ШИНЭ намынхантай хамтарч орон нутгийн сонгуульд оролцохоор болсныг баталгаажууллаа. Шинэ намын хувьд ардчиллын үнэт зүйл, хүний эрхийн асуудал, иргэнийг хамгаалах олон асуудалд Ардчилсан намтай нэг үзэл баримтлалтай учраас энэ удаагийн сонгуульд нэгдэж оролцож байгааг та бүхэн ойлгож болно" гэлээ.
Сэтгэгдэл (2)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!