Хүүхдийн сурч боловсрох эрхийн асуудлын талаар Хүний эрхийн Үндэсний комиссоос өнөөдөр /2024.08.29/ мэдээлэл хийлээ.

----------------

ХЭҮК-ын Гомдол, хяналт шалгалтын хэлтсийн дарга Г.Ууганбаатар:

-Монгол Улсад 500 гаруй дотуур байр үйл ажиллагаа явуулдаг. ХЭҮК 120 дотуур байранд хяналт шалгалт хийсэн нь 30 орчим хувь нь гэсэн үг. 120 дотуур байрны хяналт шалгалтын дүнг үндэслээд дотуур байрны талаарх илтгэлийг УИХ-д хүргүүлсэн. Дотуур байрыг үе шаттай сайжруулж, нэмэгдүүлэх арга хэмжээ авахыг Засгийн газарт даалгасан. 2023 онд нийт 8 байр, 2024 онд 3 байр, 2025 онд 15 байрыг ашиглалтад оруулна. 300 орчим нь 1990 оноос өмнө ашиглалтад орсон байрууд байна лээ. Тиймээс сайжруулах ажлыг хийж байна.