461 дүгээр хорих ангид хэрэгт сэжиглэгдэн хоригдож байсан иргэн энэ сарын 22-нд Шастины нэрэмжит III эмнэлэгт хүргэгдэн нас барсан хэрэг гарсан. Эл хэргийн талаар өчигдөр талийгаачийн ар гэрийнхэн мэдээлэл хийж хууль хүчний байгууллагаад гомдолтой байгаагаа илэрхийлсэн байдаг. Энэхүү хэргийн талаар ЦЕГ-аас мэдээлэл өглөө. Энэ үеэр ЦЕГ-ын Урьдчилан сэргийлэх газрын хэлтсийн дарга, цагдаагийн хошууч Г.Мөнхбаяр "Амь хохирогч О нь цөсний шалтгаант нойр булчирхайн цочмог үрэвсэл гэх оноштойгоор нас барсан гэх эрүүл мэндийн урьдчилсан дүгнэлт гарсан. Гэхдээ дахин нягталж шалгуулахаар шинжээч эмчийг томилон ажиллуулж байна" гэв.