Өнгөрсөн даваа гарагт Чингэлтэй дүүрэгт байрлах "Миний" сүлжээ дэлгүүрт гарсан галын үеэр Онцгой байдлын нэг албан хаагч амиа алдсан харамсалтай хэрэг гарсан. ЗГХЭГ-ын дарга Д.Амарбаясгалан ЗГ-ын хуралдааны дараа сэтгүүлчдийн асуултад хариулсан юм. Тэрбээр,

"Онцгой байдлын салбарт сүүлийн хагас жилийн хугацаанд байгалийн гамшиг, гэнэтийн ослоос шалтгаалж, албан хаагчдын амь эрсдэх явдал гарч байна. Газ дэлбэрсэн болон саяхан гарсан гал түймэрт албан хаагч амь насаа алдсан байдалд онцгой анхаарал хандуулж, шинэ дүрэм журам бий болгоно.

Цаашид, Онцгой байдал, Батлан хамгаалах, Хил хамгааллын салбарт байх ёстой төсвийг нь жил бүр төсөвлөдөг байх зарчим руу шилжинэ" гэв.