УИХ дахь АН-ын бүлэг мэдээлэл хийх үеэр УИХ-ын гишүүн Д.Ганбат цаг үеийн асуудлаар байр сууриа илэрхийллээ. Тэрбээр,

"Хууль хяналтын байгууллага нь цагдаагийн дөрвөн алба хаагчийг баривчиллаа гээд, царайг нь нууж мэдээлж байна. Уг нь өөр улсад иймэрхүү хүмүүсээ ил тод зарладаг. Яагаад гэвэл бага насны хүүхдийн эсрэг хүчирхийлэл давтан үйлдэх магадлал маш өндөр байдаг. Тийм учраас хаа яваа газрыг нь байнга ил зарладаг" гэв.

Үргэлжүүлэн тэрбээр хоёр настай хүүхдүүдийг зодсон гэх цэцэрлэгийн багшийн талаар "Энэ бас хохирогч. Энэ хүнийг ил харуулж, ярилцлага аваад гаргаж байна. Гэтэл хүүхэд хүчирхийлсэн гэх цагдаа нарын нүүрийг ил болгохгүй байна" гэсэн юм.