Дорнод аймагт гарсан хоёр түймрийг унтраахаар ажиллаж байна. Тодруулбал, Дорнод аймгийн Халхгол сумын Ташгай баг "Есдүгээр хашаа" гэдэг газар /аймгийн төвөөс зүүн урд зүгт 350 км, сумын төвөөс урд зүгт 15 км/-т хээрийн түймэр гарсан дуудлага өнөөдөр буюу 04 сарын 05-ны 17:40 цагт хүлээн авсан. Дуудлагаар аймгийн Гал түймэр унтраах, аврах 62 дугаар ангийн алба хаагчид ажиллаж байна. Салхи баруунаас 8-10м/с байна.

Харин Баянтүмэн сумын Өлзийт баг "Мажиг" гэдэг газар /аймгийн төвөөс зүүн урд зүгт 80 км, сумын төвөөс зүүн урд зүгт 92 км/-т хээрийн түймэр 17:20 цагт гарсан дуудлагаар Эрэн хайх, аврах салбарын алба хаагчид, Баянтүмэн сумын ЗДТГ-ын ажилтнууд үүрэг гүйцэтгэж, унтраахаар ажиллаж байна.