УИХ-ын Нийгмийн бодлогын байнгын хороо хуралдаж, Гепатитын Д вирусийн халдвартай иргэдэд үзүүлж буй тусламж, үйлчилгээний өнөөгийн байдал, цаашид хэрэгжүүлэх арга хэмжээний тухай Эрүүл мэндийн сайдын мэдээллийг сонссон юм.

Энэ үеэр УИХ-ын гишүүн С.Одонтуяа "Шүдний болон гоо сайхны эмнэлгээс халдвар авч буй асуудал гарч ирж байна. Надад ирсэн мессежээр нэг иргэн 1992 онд шприцны халдвар авсан гэх мэдээллийг ирүүлсэн. Тиймээс цаашид ийм төрлийн халдвар гаргахгүй байхад анхаарах хэрэгтэй байна" гэлээ.