Монгол Улсын Гадаад харилцааны яамнаас ОХУ-д болсон террорист халдлагатай холбоотойгоор дараах мэдэгдлийг гаргажээ. Тодруулбал,

"Москва хотын “Крокус Сити Холл” цогцолборт террорист халдлага гарч, олон хүний амь нас эрсдэж, бэртсэн явдалд цочирдож гүнээ харамсаж байна.

Энэхүү халдлагад өртсөн иргэдийн гэр бүлд гүн эмгэнэл илэрхийлж, гэмтэж бэртсэн хүмүүс түргэн эдгэхийг хүсэж байна.

Монгол Улс хүн төрөлхтөн, энгийн ард иргэдэд аюул, заналхийлэл учруулж буй аливаа террорист үйл ажиллагааг эрс буруушаадаг болно" гэжээ.