Үндэсний статистикийн хорооноос 2024 оны нийгэм эдийн засгийн үзүүлэлтийг танилцууллаа. Тус хорооны мэдээлснээр өнгөрсөн оны дөрөвдүгээр улирлын байдлаар ажилчдын сарын дундаж цалин 2.2 сая төгрөг болж өмнөх оны мөн үетэй харьцуулахад 27 хувь буюу 481.5 мянган төгрөгөөр нэмэгджээ.
Статистик мэдээллээр уул уурхай, олборлолтын салбарт ажиллагчдын цалин хамгийн их буюу 5.1 сая төгрөг бол байр сууц, нийтийн үйлчилгээний салбарт ажиллагсдын цалин хамгийн бага буюу 1.4 сая төгрөг байна.
