Зам тээврийн хөгжлийн яаманд зөвшөөрөх хэмжээнээс хэтэрсэн задрах боломжгүй ачаа тээвэрлэлтийг түр хугацаагаар зогсоох болсонтой холбогдуулан мэдээлэл хийж байна. Хязгаарлалт энэ сарын 20-иос дөрөвдүгээр сарын 20 хүртэл үргэлжлэх юм байна. Тус яамны мэдээлснээр хяналт шалгалтыг яамны харьяа авто хөгжлийн төв, зам хариуцагч байгууллагууд хамтран зохион байгуулах юм байна.

Монголд задлахад хүнд үйлдвэрлэлийн томоохон тоног төхөөрөмжүүд байдаг гэдгийг холбогдох албаны хүмүүс хэлэв. Энэ төрлийн тээвэр зорчих нийт 192 хүсэлт ирсэн байна. Үүний хэтэрсэн тонныг үзэхэд 5957 тонноор ачаа тээвэр хэтэрч 451 сая төгрөгийн төлбөр хураамж авто замын санд төвлөрчээ.