Өнөөдөр /2020.08.25/ болсон Засгийн газрын ээлжит бус хуралдаанаар Засгийн газрын хэрэг эрхлэх газрын дэд даргаар Б.Солонгоог томилжээ.
Б.Солонгоо нь 1983 онд Улаанбаатар хотод төрсөн бөгөөд 2007 онд Унгар улсын Өөтвөш Лорандын шинжлэх ухааны их сургуулийн хууль зүй, улс төрийн шинжлэх ухааны сургууль төгсчээ. Мөн 2010 онд Их Британийн Дандийгийн их сургууль, 2015 онд АНУ-ын Харвардын хуулийн сургуулийг тус тус төгссөн.
Тэрбээр эрх зүйч мэргэжилтэй бөгөөд англи, унгар хэлтэй.
Б.Солонгоо нь 2011-2017 онд "Хоган Ловеллс" олон улсын хуулийн фирмд хуульч, олон улсын ахлах хуульч, 2017-2020 онд "Авинекс партнерс" өмгөөллийн компанид Гүйцэтгэх захирлаар ажиллажээ.
