Монголын спортын оны шилдгүүдийг тодруулдаг "Бөртэ Чоно-2023" тэргүүн дээд шагнал гардуулах ёслол өнөөдөр болно. 2003 оноос эхлэлтэй уг ёслол энэ жил үндсэн 15 номинациар шилдгүүдээ тодруулна.

"БЭРТЭ ЧОНО 2023" -ЫН НОМИНАЦИ:

• “Шилдгийн шилдэг эрэгтэй тамирчин”
• “Шилдгийн шилдэг эмэгтэй тамирчин”
• “Шилдэг баг”
• “Шилдэг эрэгтэй тамирчин”
• “Шилдэг эмэгтэй тамирчин”
• “Паралимпын шилдэг тамирчин”
• “Шилдэг холбоо”
• “Шилдэг дасгалжуулагч”
• “Шилдэг шүүгч”
• “Спортын шилдэг бүтээн байгуулалт”
• “Шилдэг спортын сэтгүүлч”
• “Шилдэг олимпын зүтгэлтэн”
• “Шилдэг олимпын зөвлөл”
• “Шилдэг залуу тамирчин”
• “Шилдэг олимпын танхим” гэсэн номинациар шилдгүүдээ тодруулах юм.

2023 оны шилдэг эмэгтэй, эрэгтэй тамирчин, спорт тоглоомын багт нэр дэвшигчдийг танилцуулж байна.

ЭМЭГТЭЙ ТАМИРЧИД:

• Л.Алтанцэцэг /бокс/ - ДАШТ - мөнгө
• Г.Ануужин /хүндийг өргөлт/ - Азийн АШТ - алт
• Э.Даваанасан /чөлөөт бөх/ - ДАШТ - мөнгө, Азийн АШТ - хүрэл, Дэлхийн чансааны тэмцээн - хүрэл
• Э.Дэлгэрмаа /чөлөөт бөх/ - ДАШТ - мөнгө, Азийн наадам - хүрэл, Дэлхийн чансааны тэмцээн - мөнгө, Парис 2024 Олимпын наадамд оролцох эрх авсан
• О.Есүгэн /буудлага/ - Азийн наадам - багийн төрөлд хүрэл, Парис 2024 Олимпын наадамд оролцох эрх авсан
• О.Есүгэн /бокс/ - Азийн наадам - хүрэл, Парис 2024 Олимпын наадамд оролцох эрх авсан
• Б.Мөнхзаяа /марафон гүйлт/ - Азийн АШТ - хүрэл, Монгол улсын дээд амжилтыг шинэчлэн тогтоосон
• Б.Нарантуяа /снукербиллиард/-ДАШТ-хүрэл
• Д.Отгонжаргал /чөлөөт бөх/ - ДАШТ - мөнгө, Дэлхийн чансааны тэмцээн - хүрэл, Парис 2024 Олимпын наадамд оролцох эрх авсан
• Л.Сосорбарам /жүдо/ - Азийн наадам - хүрэл, Их дуулга - хүрэл
• Л.Энхрийлэн /жүдо/ - ДАШТ - хүрэл
• Б.Энххүслэн /усанд сэлэлт/ - Азийн наадам - Шигшээ уралдаанд шалгарсан
• М.Энхжаргал /бокс/ -ДАШТ-хүрэл

ЭРЭГТЭЙ ТАМИРЧИД:

• Ё.Басхүү /жүдо/ - ДАШТ - хүрэл, Азийн наадам - мөнгө, Их дуулга- алт, 2 мөнгө
• А.Бүрэнбаяр /PUBG Mobile/ - ДАШТ, Зүүн Өмнөд Азийн Намрын АШТ, Зүүн Өмнөд Азийн Хаврын АШТ тус тус - MVP
• Г.Баярхүү /мэргэжлийн бокс/ - WBA холбооны Азийн аварга, Бүх Солонгосын аварга
• Д.Дэлгэрням /3х3 сагсан бөмбөг/ - Азийн АШТ - Аварга, Азийн АШТ - MVP, Ulaanbaatar MMC Energy багийн хамт 3х3 Мастерст түрүүлсэн
• С.Жамбалжамц /дугуй/ - Азийн наадам - хүрэл, Азийн АШТ - хүрэл, Парис 2024 Олимпын наадамд оролцох эрх авсан
• М.Лхагвагэрэл /чөлөөт бөх/ - Азийн наадам - мөнгө, Азийн АШТ - алт
• Б.Мишээлт /бокс/ - ДАШТ - хүрэл
• Б.Отгонболд /байт харваа/ - Азийн наадам - алт, Парис 2024 Олимпын наадамд оролцох эрх авсан
• Т.Тулга /чөлөөт бөх/ - Азийн наадам - алт, Азийн АШТ - мөнгө, Дэлхийн чансааны тэмцээн - 3 алт
• Т.Хангал /волейбол/ - Тайландын волейболын лигийн аварга, Үнэ цэнэтэй тоглогч, шилдэг довтлогч
• IHC Esport /Dota2/ - IESF World Championship 2023 - аварга, Азийн наадам - мөнгө 12. IHC Esport /PUBG Mobile/ - PUBG Mobile Global Championship 2023 - аварга

СПОРТ ТОГЛООМЫН БАГ:

• 3х3 сагсан бөмбөгийн залуучуудын эмэгтэй шигшээ баг - Азийн наадам - мөнгө
• 3х3 сагсан бөмбөгийн залуучуудын эрэгтэй шигшээ баг - Азийн наадам - хүрэл
• 3х3 сагсан бөмбөгийн үндэсний эрэгтэй шигшээ баг - Азийн АШТ - aлт
• Волейболын эрэгтэй шигшээ баг - Төв Азийн үндэстнүүдийн лиг - хүрэл
• ФС Улаанбаатар хөлбөмбөгийн клуб - Монголын Үндэсний дээд лигийн аварга, Азийн хөлбөмбөгийн холбооны "AFC Cup" тэмцээнд хожил байгуулсан Монголын анхны баг
• Шайбтай хоккейн шигшээ баг - Дэлхийн аварга шалгаруулах тэмцээний дөрөвдүгээр дивизион - мөнгө

Өнгөрсөн жил хүндийн өргөлтийн тамирчин М.Анхцэцэг Монгол Улсын шилдгийн шилдэг эмэгтэй тамирчин болсон бол жүдо бөхийн Ц.Цогтбаатар шилдгийн шилдэг эрэгтэй тамирчнаар шалгарч байв.