"Нээлттэй Сэлэнгэ" арга хэмжээний хүрээнд зохион байгуулсан Улс аймгийн алдар цолтой 128 бөхийн барилдаанд улсын залуу аварга О.Хангай, улсын заан Б.Бат-Өлзий тэргүүтэй хүчит 128 бөх зодоглолоо.
Энэ удаагийн барилдаанд Увс аймгийн Улаангом сумын харьяат Монгол Улсын гарьд Ө.Бат-Орших түрүүлж, Дундговь аймгийн Эрдэнэдалай сумын харьяат Монгол Улсын өсөх идэр начин Э.Даш үзүүрлэлээ. Их шөвөгт Ховд аймгийн Буянт сумын харьяат Монгол Улсын Аварга О.Хангай, Архангай аймгийн Хашаат сумын харьяат Монгол Улсын харцага С.Сүхбат нар шалгарав.
