Цагдаагийн байгууллагын 102 тусгай дугаарын утсанд 2023 оны 08 дугаар сарын 07-ны өдрийн 21 цагийн үед “Баянзүрх дүүргийн 6 дугаар хороонд байрлах ПС тоглоомын газарт хүн хутгалуулчихлаа” гэх дуудлага, мэдээлэл ирүүлснийг шалгахад 33 настай, эрэгтэй У-ын зүүн суганы орчим 39 настай, эрэгтэй Б нь нэг удаа хутгалж, хэргийн газраас зугтсан нөхцөл байдал тогтоогдсон талаар бид мэдээлсэн.

Шуурхай эрэн сурвалжлах ажиллагааг зохион байгуулж, сэжигтэй этгээдийг саатуулсан бөгөөд тухайн үед гартаа хутга барьж, скочоор бэхэлсэн байдалтай цагдаагийн алба хаагчийн тавьсан шаардлагыг эсэргүүцэн хутгаар өөрийнхөө болон бусдын амь насанд хохирол учруулж болзошгүй үйлдэл гаргасан тул нэг бүрийн тусгай хэрэгсэл болох резинэн сумтай бууг ашиглан гэмт этгээдийг аюулгүй болгож дайчлан баривчилсан байна.

Мөрдөн шалгах ажиллагаагаар хохирогчийгг зүс таних Б нь цахим тоглоомын газрын үүдэнд таарахдаа хувийн таарамжгүй шалтгааны зүүн суга орчимд хутгалж гэмтээсэн. Сэжигтэн Б нь 39 настай, эрэгтэй, нийт 5 удаагийн ял шийтгэлтэй. Цагдаагийн ерөнхий газрын Хар тамхитай тэмцэх газраас Нэгдсэн үндэстний байгууллагын сэтгэцэд нөлөөлөх бодисын тухай конвенцийн жагсаалтад багтсан мансууруулах эм, сэтгэцэд нөлөөт бодисыг хууль бусаар олж авсан, хадгалсан, тээвэрлэсэн” эрүүгийн хэрэгт шалгагдаж байгаа гэж ЦЕГ-аас мэдээллээ.

Б-д таслан сэргийлэх арга хэмжээ авсан байна.