Давж заалдах шатны шүүх хурлаар АН-ын гишүүн, "Лайвчин" Д.Мөнх-Эрдэнэд анхан шатны шүүхээс оногдуулсан 3 жил 10 сарын хорих ялыг нэг жил 10 сарын хорих ял болгон бууруулсан билээ. Түүнд оногдуулсан хорих ялын хэмжээ буурсантай холбоотойгоор ХЗДХ-ийн сайд Х.Нямбаатар "Хууль зүйн сайд шүүхийн шийдвэрт нөлөөлөх ямар ч боломжгүй. Бусдын нэгэн адил шударгаар шийдэгдээсэй хэмээн хүлээж байсан. Д.Мөнх-Эрдэнийн хувьд миний ажлын өрөө, бурхан тахилыг минь хүртэл лайвдаж л байсан. Би түүний дэмжигч фэн нь гэх нь юу юм, гэхдээ түүний үндсэн хуулиар олгогдсон үг хэлэх, үзэл бодлоо илэрхийлэх эрхийг хүндэтгэж ирсэн" гэв.