ХХААХҮЯ мал бүртгэлжүүлэх ажлын хүрээнд хийж буй ажлуудын талаар мэдээллээ. Тодруулбал, Малыг бүртгэлжүүлж, ээмэгжүүлэх ажлын хүрээнд бод малын ээмгийг худалдан авах тендерийн сонгон шалгаруулалтыг түр хугацаанд хүчингүй болгож шийдвэрлэсэн бөгөөд ирэх намар бод малын вакцинжуулалттай хамтад нь зохион байгуулахаар төлөвлөсөн талаар ХХААХҮ-ийн дэд сайд М.Ганхүлэг мэдээллээ.

Мөн малыг ялган тэмдэглэж бүртгэл мэдээллийн санд оруулах ажлыг 2024 оноос зохион байгуулахаар төлөвлөжээ. Түүнчлэн шаардагдах зардлуудыг Олон Улсын буцалтгүй тусламж болон албан татваруудаас санхүүжүүлэх асуудлаар холбогдох байгууллагуудтай хамтран ажиллахаар болсон аж.