Төв аймгийн Сэргэлэн сумын Баянбүрд баг, "4 дүгээр зөрлөг" гэдэг газар /аймгийн төвөөс зүүн зүгт 26 км, сумын төвөөс зүүн зүгт 15 км/-т боржин чулууны үйлдвэрийн ажилтан Э, дөрөвдүгээр сарын 01-ний өдрийн 06:00 цагийн орчим тухайн үйлдвэрээс гарч яваад сураггүй болсон тухай дуудлагыг ОБГ дөрөвдүгээр сарын 05-ны өдрийн 18:30 цагт хүлээн авсан байна.

Дуудлагын дагуу тус аймгийн Онцгой байдлын газрын эрэн хайх, аврах салбарын алба хаагчид иргэн Э /60 настай, эрэгтэй/-г эрэн хайх ажиллагааг эхлүүлэхээр өнөөдөр /2023.04.06/-ны өдрийн 07:00 цагт хөдөлгөөн үйлджээ.