ЗТХ-ийн дэд сайд Л.Халтар болон түүний эхнэр УБТЗ ХНН-ийн Тээвэр зохион байгуулалтын албаны ерөнхий инженер Ц.Ганзул нарыг АТГ-аас шалгаж байгаа талаар бид мэдээлсэн. Тодруулбал, Эрүүгийн цагдаагийн газраас УБТЗ-ын Тээвэр зохион байгуулалтын албаны орлогч дарга С.Батдөлийн гэр болон хамаарал бүхий этгээдийн гэрт нэгжлэг хийж, 7.3 тэрбум төгрөг бэлнээр, 4 тэрбум төгрөгийн үнэ бүхий үл хөдлөх хөрөнгийг үндэслэлгүйгээр авсан байж болзошгүй хэмээн хураан шалгаж байгаа.

Мөн иргэн Ж.Энхбатын зүгээс эл хэрэгт ЗТХ-ийн дэд сайд Л.Халтар болон түүний эхнэр УБТЗ ХНН-ийн Тээвэр зохион байгуулалтын албаны ерөнхий инженер Ц.Ганзул нарыг холбоотой гэж шалгаж өгөх хүсэлтийг АТГ-д өнгөрөгч нэгдүгээр сард гаргасан байдаг.

Энэ талаар АТГ-аас "ЗТХ-ийн дэд сайд Л.Халтартай холбоотой гомдол мэдээлэл ирж, хэрэг бүртгэлтийн хэрэг нээн мөрдөн шалгалтын ажиллагаа явуулж байгаа" гэж мэдээлсэн.

Тэгвэл уг асуудалд ЗТХ-ийн дэд сайд Л.Халтар "Намайг нүүрсний хэргээр дуудаж шалгаагүй. Улс төрийн зорилгоор ийм мэдээлэл тараасан гэж бодож байгаа" гэх тайлбарыг өглөө.