Дорнод аймгийн Хэрлэн сум-БНХАУ-ын ӨМӨЗО-ны Манжуур хот чиглэлийн хооронд нийтийн тээврийн автобус өчигдөр /2023.02.28/-өөс эхлэн тогтмол үйлчилж эхэллээ. Нийтийн тээврийн автобусууд даваагаас баасан гарагуудад иргэдэд үйлчилгээ үзүүлэх бөгөөд энэ тухай АТҮТ-өөс мэдээллээ.
Мөн зорчигчдод дараах шаардлагыг тавьж байгаа юм. Үүнд,
- Хилээр нэвтэрч буй иргэд 48 цагийн дотор хийлгэсэн ПСР шинжилгээний хариу
- ПСР шинэжилгээний хариу сөрөг гарсан, хил гаалиар нэвтрэх хориггүй иргэдийг саадгүй нэвтрүүлнэ. Замын турш халдвар хамгааллын дэглэмээ баримтлан явах аж.
Харин тасалбарын хувьд том хүн 78,000 төгрөгөөр, хүүхэд 39,000 төгрөгөөр үйлчлүүлнэ.
Э.Ариунтуяа
