Монгол Улсын яаралтай хамгаалах шаардлагатай соёлын биет бус өвийн үндэсний бүртгэлд багтсан “Монгол Жангар хайлах” өвийг сэргээх, хадгалан, хамгаалах, өвлүүлэн үлдээх зорилгоор уран зохиолын оргил гэгдэх “Баатарлаг Жангар” туулийг 1000 туульч хайлах арга хэмжээ өнөөдөр буюу хоёрдугаар сарын 12-нд Говь-Алтай аймагт зохион байгуулах гэж байна.

Энэ хүрээнд эл туулийн 17 бүлгийг хайлах бөгөөд Алтай ятга, морин хуур, товшуур зэрэг үндэсний хөгжмөөс бүрдсэн 300 гаруй хөгжмийн чуулбар чуулах бөгөөд оройн 19:00 цагаас үүрийн 05:00 цаг хүртэл хайлах юм.