Говь-Алтай аймгийн Халиун сумын малчин Г.Дамдиндоржийн хоттой мал руу чоно дайрч 103 мал ноцсоноос 80 нь үхжээ. Тодруулбал,

Халиун сумын Гүү бариач багийн нутагт энэ сарын 2-3-нд шилжих шөнө малчин Г.Дамдиндоржийн хоттой мал руу 5 чоно сүрэглэн дайрч 103 мал ноцож сэгчсэний улмаас 80 мал үхсэн байна.

Малчдаас ирсэн дуудлагын дагуу Халиун сумын Засаг дарга Б.Өнөржаргал, Цагдаагийн хэсгийн төлөөлөгч Н.Цэрэнбалжид нар газар дээр нь очиж, зохих арга хэмжээ авч ажилласан байна. Иймд малчид, мал бүхий иргэдийг өвөлжөө, бэлчээр дэх малдаа сонор сэрэмжтэй байхыг Халиун сумын ЗДТГ, Цагдаагийн хэлтсээс онцгойлон анхаарууллаа.