Хөгжлийн банкны сонсгол хоёр дахь өдрөө Төрийн ордонд үргэлжилж байна. Яг одоо "Эрэл" ХХК-ийн Хөгжлийн банкнаас авсан зээлийг хэлэлцэж байна. Эл компани Хөгжлийн банкнаас "Байшин үйлдвэрлэх комбинат төсөл" хэрэгжүүлэхээр 14 сая ам.доллар, 13.1 сая евро, 9 сая ам.долларын гэх гурван удаагийн зээл авсан боловч зээлийн зарцуулалтаас их хэмжээний бэлэн мөнгө зарлагадсан талаар шинжээч танилцуулсан. Тэгвэл зарцуулалтын талаар "Эрэл" ХХК-ийн захирал Б.Эрдэнэбат "Засгийн газрын хоёр тогтоол хэрэгжээгүй. Гурван төслийг "Зориулалтын дагуу зарцуулсан" гэх аудитын дүгнэлт гарсан. Энэ асуудлаар намайг АТГ-аас шалгасан. Хэргийг 2018 онд прокуророос, 2022 онд ЭЦА-наас цагаатгасан" гэлээ.
