Залуус нэгдэн Төрийн ордны гадна нүүрсний хулгайн хэрэгт холбогдсон албан тушаалтнуудыг зарлахыг шаардаж, гурван өдрийн турш жагсаж байна.
Өнөөдөр Ерөнхий сайд Л.Оюун-Эрдэнэ болон УИХ-ын гишүүн, ХЗДХ-ийн сайд Х.Нямбаатар болон ЗГХЭГ-ын дарга Д.Амарбаясгалан нар Төрийн ордноос гарч, жагсагчидтай уулзсан. Энэ үеэр Ерөнхий сайд Засгийн газар дээр байгуулагдсан Ажлын хэсэгт 100 хүртэлх хүнийг оруулах боломжтой хэмээн мэдэгдсэн. Уг иргэдийн дотор жүжигчин У.Цогтбаяр багтсан юм. Тэрбээр "Ерөнхий сайдаас нүүрсний хулгайд холбогдсон иргэдийн нэрсийг зарла" хэмээн шаардсан юм.
